EUSKAL AEko ERAIKUNTZAREN KOSTUEN INDIZEA (EKI) 2011KO ABENDUA. Euskal AEko eraikuntzaren kostuak % 0,6 igo ziren 2011ko abenduan, aurreko hilaren aldean

Jarraiguzu

2012/01/30eko prentsa-oharra

EUSKAL AEko ERAIKUNTZAREN KOSTUEN INDIZEA (EKI) 2011KO ABENDUA

Euskal AEko eraikuntzaren kostuak % 0,6 igo ziren 2011ko abenduan, aurreko hilaren aldean

Azken hamabi hilabeteetan (2010eko abendutik 2011ko abendura) eraikuntzaren kostuak % 1,8 igo dira.

Euskal AEko Eraikuntzaren Kostuen Indizea: EUSTATen datuen arabera, Euskal AEn eraikuntzako kostuen indizeak % 0,6 egin du gora 2011ko abenduan, aurreko hilabetearen aldean; bestalde, hilabete horretako urte arteko tasa % 1,8 igo da.

Abenduko urte arteko aldakuntza-tasak, 2006-2011

Aurreko hilabetearekin alderatuta, 2011ko abenduan eskulanaren kostuak ez du aldaketarik izan (% 0,0); lehengaien kostuek, ordea, % 0,8 egin dute gora.

Eraikuntza eta Obra Zibila azpisektoreetako lehengaien kostuek antzeko bilakaera izan dute abenduan: Eraikuntzakoen kostuak % 0,8 igo dira, eta Obra Zibilekoek

% 0,6 egin dute gora, aurreko hilabetearekin erkatuta. Bi azpisektore horien urte arteko bilakaera aztertuta ikusten da Eraikuntzako lehengaien kostuek % 1,4 egin dutela gora, eta Obra Zibilekoek % 3,6.

Sektorean kontsumitu diren lehengaien prezioei dagokienez, hamabi hilabeteotan inflazio-tasa handiena izan dutenak, besteak beste, Energia elektrikoa, gasa eta lurruna (% 20,1) Petrolioaren birfinketa (% 15,8), eta Industria kimikoa (% 6,7) izan dira. Baina ondoren ematen direnetan lehengaien prezioek urte batetik bestera (2010eko abendutik 2011ko abendura) behera egin dute edo igoera txikiagoa izan dute: Metalikoak ez diren beste produktu mineral batzuen fabrikazioa (-% 0,1) Informatikako, elektronikako eta optikako produktuen fabrikazioa (% 0,2) eta Metalurgia (% 0,3).

ERAIKUNTZAREN KOSTUEN INDIZEA. EUSKAL AE. 2011KO ABENDUA. BEHIN-BEHINEKO DATUAK