Eustat

2011/12/28ko prentsa-oharra

EUSKAL AEKO AZALERA HANDIETAKO MERKATARITZAREN INDIZEA (AHMI) 2011KO AZAROA

Euskal AEko azalera handietako salmentak % 5,0 jaitsi dira 2011ko azaroan

Elikagaien salmentek % 1,0 egin dute behera urtetik urtera eta gainerako produktuen salmenta % 7,2 jaitsi da

Euskal AEko azalera handietako salmentak: Eustaten datuen arabera, eta lan-egutegi homogeneoari dagokionez, Euskal AEko merkataritzako azalera handietako salmentek urtetik urtera % 5,0ko beherapen nominala izan dute 2011ko azaroan. Elikagaien salmentek % 1,0ko beherapen nominala izan dute urte batetik bestera, eta gainerako produktuek % 7,2 egin dute behera.

Lurraldeen arabera, Araban urtetik urtera salmentek % 8,4ko beherapen nominala izan dute, eta % 3,6koa Bizkaian; Gipuzkoan beherapena % 6,0koa izan da.

Aurreko hilabetearekin (2011ko urria) alderatuta, Euskal AE osoko salmentek % 2,8 egin dute behera balio nominaletan, urtaroko ondorioak zuzendu ostean. Elikagaien salmentek % 1,6 egin dute behera aurreko hilabetearekin erkatuta, eta gainerako produktuek ere aldaketa negatiboa izan dute (% -3,5).

Lurraldeen arabera eta urriarekin alderatuta, hiru lurraldeotako salmentek behera egin dute: Bizkaikoek % 2,5 egin dute behera, Gipuzkoakoek % 2,8 eta Arabakoek % 3,9.

Balio konstanteetan, Euskal AEko azalera handietako salmentek % 8,0 egin dute behera urtetik urtera, eta aurreko hilabetearen aldean % 3,3 jaitsi dira

2010eko azaroarekin alderatuta, elikagaien salmentek % 4,4 eta gainerako produktuenek % 9,9 egin dute behera, euro konstanteetan. Lurraldeen bilakaera aztertu ostean ikusi da guztietan gertatu dela beherapena. Araban beherakada % 11,3koa izan da, Bizkaian % 6,6koa eta Gipuzkoan, % 9,1ekoa, prezio konstanteetan.

Aurreko hilabetearekin konparatuz, eta prezioen eragina alde batera utzi ostean, elikagaien salmentek % 1,7 egin dute behera 2011ko urriaren aldean, eta gainerako produktuen salmentek ere behera egin dute (% -4,1).

Lurraldeka, Araban % 4,3ko beherakada jaso da, eta Bizkaian eta Gipuzkoan % 3,1ekoa bietan ere, beti termino errealetan.

Azalera handietako establezimenduetan lan egin duten pertsonen kopurua % 0,4 gutxitu da 2011ko azaroan, 2011ko urriarekin alderatuta (desestazionalizatu ostean). Aldea positiboa izan da Gipuzkoan (0,9ko igoera). Araban eta Bizkaian, aldiz, negatiboa izan da: % 1,8ko eta % 0,7ko beherapenak gertatu dira, hurrenez hurren.

Argibide gehiago:

Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.es
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua