EUSKAL AEko ERAIKUNTZAREN KOIUNTURARI BURUZKO INDIZEA (EKBI) 2011KO 3. HIRUHILEKOA. Euskal AEko Eraikuntzaren sektoreak % 4,4 egin du behera 2011ko hirugarren hiruhilekoan

Jarraiguzu

2011/11/30eko prentsa-oharra

EUSKAL AEko ERAIKUNTZAREN KOIUNTURARI BURUZKO INDIZEA (EKBI) 2011KO 3. HIRUHILEKOA

Euskal AEko Eraikuntzaren sektoreak % 4,4 egin du behera 2011ko hirugarren hiruhilekoan

Aurreko hiruhilekoarekin alderatuta, % 0,0ko tasa erregistratu du

Euskal AEko eraikuntza: EUSTATen datuen arabera, eta lan-egutegi homogeneoari dagokionez, Euskal AEko Eraikuntzaren sektoreak urte arteko % 4,4ko beherapen nominala izan du 2011ko hirugarren hiruhilekoan.

Estazionalitate-ondorioak zuzendu ostean, 2011ko hirugarren hiruhilekoan Eraikuntzaren sektoreak % 0,0ko tasa erregistratu du, 2011ko bigarren hiruhilekoarekin alderatuta.

Euskal AEko Eraikuntzaren Koiunturako Indizearen urte arteko hiruhileko hazkunde zuzendua Guztira, Eraikuntza eta Obra Zibila (%)

Eraikuntzaren sektoreak 2011ko hirugarren hiruhilekoan behera egin du, Eraikinen eta Obra Zibilen azpisektoreek emaitza negatiboak izan dituztelako; Eraikinen azpisektoreak urte arteko % 5,3ko beherakada izan du, eta Obra Zibilarenak % 2,9koa.

Hiruhileko arteko datuei dagokienez, sektoreak 2011ko hirugarren hiruhilekoan eta aurreko hiruhilekoan izan duen jarduera alderatuz gero, ikusten da Eraikinen azpisektoreak % 0,4ko bilakaera positiboa izan duela; Obra Zibilen azpisektoreak, ostera, % 0,7ko beherakada erregistratu du.

Eraikuntzaren sektoreko enpleguak %1,4 egin du behera, 2011ko bigarren hiruhilekoarekin alderatuta.

Eraikuntzaren Koiunturako Indizea Euskal AE 2011ko 3. hiruhilekoa. Aldakuntza tasak (%).