Eustat

2011-11-11ko prentsa-oharra

EUSKAL AEko BARNE MERKATARITZAREN INDIZEA (BMI) 2011ko 3. hiruhilekoa

Euskal AEko merkataritzako sektorearen salmentak %3,0 igo ziren 2011ko hirugarren hiruhilekoan

Handizkako merkataritza salmentak %4,8 igo ziren; txikizkakoak %0,3 hazi ziren

Euskal AEko merkataritzaren sektorea: Eustatek emandako datuen arabera, 2011ko hirugarren hiruhilekoan salmenta nominalak %3,0 hazi ziren, aurreko ekitaldiko hiruhileko beraren aldean.

Aurreko hiruhilekoaren aldean salmenta-indizeak ez du aldaketarik izan (%0,0), urtaro-eraginak kenduta.

Sektoreka, 2010eko aldi beraren aldean, Euskal AEko handizkako merkataritza: salmenta nominalak %4,8 handitu dira 2011ko hirugarren hiruhilekoan;%0,3 igo dira txikizkako merkataritzan.

Handizkako merkataritzari dagokionez, kontuan hartutako sektore guztietan gertatu da hazkundea. Makineria eta tresneriaren sektorea %8,1 hazi da eta Produktu erdilanduen eta txatarraren sektorea %7,0. Nekazaritza eta elikadura produktuen sektorea %5,1 igo da eta Elikagai ez diren kontsumo-produktuen sektorea %1,3.

Lurraldeka, 2011ko hirugarren hiruhilekoko merkataritza-sektorearen salmenta nominalen igoerarik handiena Araban izan da, urte arteko %4,7; Gipuzkoan salmenta nominalak %3,0 hazi ziren eta Bizkaian %2,5.



Termino errealetan, prezioen eragina kenduta, barne-merkataritzaren salmentak %1,1 jaitsi ziren hirugarren hiruhilekoan

2010eko hiruhileko beraren aldean eta prezio finkoetan, handizkako merkataritzan %0,1 hazi dira egindako salmentak eta txikizkakoan %2,7 murriztu.

Handizkako merkataritzaren barruan urte artekoak ezberdinak izan dira: Makineria eta tresneriaren salmentak %6,6 hazi dira, Nekazaritza eta elikadura produktuen salmentak %2,2 igo dira eta Elikagai ez diren kontsumo-produktuenak %1,5. Zentzu negatiboan, Produktu erdilanduen eta txatarraren salmentak %2,2 jaitsi dira, beti termino errealetan.

Txikizkako merkataritzan, euro finkoetan, %3,1 jaitsi dira merkataritza espezializatuaren salmentak eta %2,3 ez-espezializatuarenak.

Euskal AE osoan, 2011ko bigarren hiruhilekoaren aldean, merkataritzako sektorean landunen kopurua %0,2 jaitsi da 2011ko hirugarren hiruhilekoan.

Argibide gehiago:

Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helb. elek.: eustat@eustat.es
Harremanetan jartzeko pertsona: Gerardo Pérez Aja
Tel.: +34-945-01 75 06 Faxa: +34-945-01 75 01
Euskal AEKo Barne merkataritzaren indizeari buruzko prentsa-ohar gehiago
Euskal AEKo Barne merkataritzaren indizeari buruzko datu-bankua