Eustat

2010/08/27ko prentsa oharra

EUSKADI EB-27n. 2010

Euskal Autonomia Erkidegoko okupazio tasak pixka bat gainditu zuen EB-27ko herrialdeen batez bestekoa 2009. urtean

Emakume euskaldunek izandako okupazio tasa (% 58,2) zonalde horretako emakumeen batez bestekora iristen zen ia (% 58,6)

Euskal Autonomia Erkidegoaren okupazio tasak, % 65,2arekin, pixka batean gainditzen zuen 2009. urtean EB-27ko herrialdeetako batez bestekoa, hain zuzen ere % 64,6an finkatu zena Eustaten datuen arabera. Espainiako okupazio tasa % 59,8koa zen urte berdin horretarako. Emakume euskaldunen kasuan, tasa hori (% 58,2koa) EB-27ko emakumeen batez bestekora iristen zen ia (% 58,6).

Herbehereak (% 77,0), Danimarka (% 75,7), Suedia (% 72,2), Austria (% 71,6), Alemania (% 70,9), Erresuma Batua eta Zipre (% 69,9arekin bakoitza) izan ziren okupazio tasa altuenak eduki zituzten zonako herrialdeak. Aldiz, Malta (% 54,9), Hungaria (% 55,4), Italia (% 57,5), Errumania (% 58,6), Polonia (% 59,3) eta Espainia (% 59,8) ziren adierazle honi dagokionez azken lekuak betetzen zituzten herrialdeak.

2000-2009 aldiari dagozkion datuak alderatuz gero, urte horietan gertatu den aldaketa ikus daiteke, izan ere, Euskal Autonomia Erkidegoa % 57,5eko okupazio tasa izatetik (2000. urtean) % 65,2ko tasa izatera (2009. urtean) igaro zen. Aldiz, Espainian, portzentaje horiek % 56,3 eta % 59,8koak ziren hurrenez hurren. EB-27 eratzen duten herrialdeetan, adierazle honentzako batez bestekoa % 62,2koa zen 2000. urtean eta % 64,6koa 2009. urtean.

Emakumeen okupazio tasari dagokionez, Euskal Autonomia Erkidegokoa, % 58,2arekin, EB-27ko herrialdeen batez bestekora hurbiltzen da (% 58,6). Zentzu horretan, adierazle honek azken urteetan edukitako bilakaera adierazgarritzat jo daiteke ere Euskal Autonomia Erkidegoan, izan ere, 2000. urteko % 43,0ko tasa edukitzetik 2005. urteko % 54,8koa izatera igaro zen eta % 58,2koa 2009. urtean.

Europa Iparraldeko herrialdeek lehenengo postuak betetzen zituzten 2009. urtean atal honetan: Danimarka (% 73,1), Herbehereak (% 71,5), Suedia (% 70,2) eta Finlandia (% 67,9) dira rankingaren buruan ageri zirenak. Aldiz, Malta (% 37,7), Italia (% 46,4) eta Grezia (% 48,9) izan ziren urte horretan emakumeen okupazio tasa baxuenak eduki zituztenak. Espainia, bestalde, % 41,3ko tasa izatetik 2000. urtean, % 51,2koa izatera igaro zen 2005. urtean eta % 52,8koa 2009. urtean, hau da, guztia EB-27ko batez bestekoaren azpitik.

Halaber, interesgarria da azpimarratzea Euskal Autonomia Erkidegoko biztanleriaren okupazio tasa 2009. urtean, 55 eta 64 urte arteko pertsonentzat, % 42,5ekoa zela, EB-27ko batez bestekoaren (% 46,0) eta Espainiakoaren (% 44,1) azpitik. Adin tarte horretan tasa altuena zuen herrialdea Suedia zen (% 70,0); aldiz, Malta izan zen (% 28,1) tasa baxuena erregistratu zuen herrialdea.

Argibide gehiago eskuratzeko:

Euskal Estatistika-Erakundea / Instituto Vasco de Estadística
Donostia-San Sebastian kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.es
Harremanetarako pertsona: Manuel Riveiros
Tel.: +34-945-01 75 62 Faxa: +34-945-01 75 01.
EUSKADI EB-27n gaiari buruzko prentsa ohar gehiago.