Eustat

2010/09/02ko prentsa-oharra

EUSKAL AEko ERAIKUNTZAREN KOSTUEN INDIZEA (EKI) 2010eko UZTAILA

Euskal AEko eraikuntzaren kostuak %0,3 jaitsi ziren 2010eko uztailean aurreko hilaren aldean

Azken hamabi hilabeteetan (2009ko uztailetik 2010eko uztailera) eraikuntzaren kostuak %1,8 igo dira.

2010eko uztailean, Euskal AEko Eraikuntzaren Kostuen Indizea %0,3 jaitsi zen, aurreko hilaren aldean, eta urte arteko tasa %1,8 igo zen, EUSTATen datuen arabera.

2010eko uztailean, lan-eskuaren kostua ez da aldatu (%0,0); lehengaien kostuak, berriz, %0,4 jaitsi dira.

Uztailean Etxegintza eta Obra Zibila azpisektoreek beherantzako bilakaera izan zuten lehengaien kostuari dagokionez. Etxegintzan %0,2ko jaitsiera aurreko hilaren aldean, eta Obra Zibilarenean %0,8koa. Bi azpisektore hauen urte arteko bilakaerak intentsitate ezberdinak erakusten ditu. Etxegintzako lehengaien kostuak %1,3 igo dira eta Obra Zibilekoenak %4,4.



Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenen artean Petrolio-fintzea (%19,9) nabarmentzen da. Ondoko sektoreetan ere igo dira prezioak: Metalurgia (%13,6), Energia elektrikoa, gasa eta ura (%5,4), eta Material elektrikoa (%3,2), besteren artean. Berriz, urteko prezioetan (2010eko uztaila 2009koaren aldean) jaitsierak izan dituzte ondoko sektoreetako lehengaiek: Zurgintza (%-1,1), Metalezko artikuluak (%-0,4), Ez-metalezko mineralak (%-0,3) eta Altzarigintza (%-0,1).

Argibide gehiago nahi izanez gero:

Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel:+34-945-01 75 00 Faxa:+34-945-01 75 01 Posta elek.: eustat@eustat.es
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Eraikuntzako Kostuen Indizeari buruzko prentsa-ohar gehiago
Eraikuntzako Kostuen Indizeari buruzko datu-bankua